Konfinamenduak egunerokoa erabat digitalizatu du. EAEn Covid-19aren hedapena mugatzeko App bat ere iristear da, antza. Txinan eta Hego Korean oso eraginkorra izan omen da (beste neurri batzuekin batera). Neurria Euskal Herrian hartuz gero, berma daiteke anonimotasuna? Non dago pribatutasunaren eta osasunaren arteko oreka? Hortaz aritu gara Iratxe Esnaola informatika-ingeniariarekin. Esan duenez, norberak bere pribatutasunaren gaineko kontrola eduki beharko luke, osasun bermeen parera datuen babesa jarriz.