Euskal Herrian literatura beltza sustatzeko I. (H)ilbeltz bekaren irabazlea da 'Kezko bola batek itoak birikak' eleberria. Txalaparta argitaletxeak argitaratu du Miel Anjel Elustondoren 250 orriko liburua. "Gurutzatzen diren bideez eta gurutzatzen diren munduez" hitz egiten du istorioak, Latinoamerikatik Nafarroako geografia zeharkatzen duena, besteak beste. Euskara, literatura, sikarioak, ustelkeria… giro beltzez uztartutako kontaketa plazaratu du Miel Anjel Elustondo idazleak.