1.120 positibo berri atzeman dituzte, 11.886 test diagnostiko egin ondoren. Lurraldeka aztertuz, Araban 113 kutsatu berri detektatu dituzte, Bizkaian 506 eta Gipuzkoan 490. Ospitaleratzeen kopuruak gora egiten jarraitzen du eta ospitaleak betetzen hasiak dira. Azken 24 orduetan, koronabirusaren ondorioz 73 pertsona ospitalizatu dira eta Covid-19a duten 106 pertsona ZIUn daude. Hiru astean bikoiztu egin da unitate horietako gaixoen kopurua.