Sindikatuak salatu du Eusko Jaurlaritzak "patronalari begira" eta "aldebakartasunez" hartzen dituela erabakiak "langileen beharrei begiratu gabe" . Eztabaida "errealak" bultzatzeko guneak falta direla dio. Honen aurrean, "berreraikuntza sozioekonomikorako" plana aurkeztu du sindikatuak. Helburu nagusiak dira “enplegu suntsiketari, lan-baldintzen kaskartzeari eta krisialdiaren ondorio sozial larriei" aurre egiteko "lehentasunezko neurriak” adostea, baita "bizitza erdigunean" jarriko duen “eredu ekofeminista” bateranzko trantsizioari ekitea ere.