Sarek eta Etxeratek adierazi dute "urgentziazkoa" dela presoak gerturatzea Covid 19aren ondorioz "muturreko" bihurtu diren egoerak saihesteko. Gogoan izan dute, bereziki Beatriz Etxeberriaren kasua. Haren bi urte dituen alabak bi hilabete daramatza gurasoak ikusi gabe. Julen Atxurra euskal presoak jasandako buruko isuria azpimarratu dute, eta gogoratu dute Patxi Ruiz ere "muturreko" egoeran dagoela. Esan dute, egoera "larritzeak" gainontzeko preso eta senideengan ere eragin "latza" duela.