Pentsiodunak kalera irten dira gaur berriro pentsio duinak eskatzeko; 86. astelehena izan da gaurkoa. Bertan, nabarmendu dute Pedro Sanchezek orain dela lau hilabete irabazi zituela hauteskundeak, eta denbora horretan ez dutela inolako aurrerapausorik ikusi. Era berean, iragarri dute mobilizazioak egingo dituztela berriz hauteskundeak deitzen badituzte; hain zuzen, urriaren 1ean -nagusien nazioarteko eguna- manifestazioak egingo dituzte Hego Euskal Herriko lau herrialdeetan.