Pello Agirre Sarasola izan da euskarara itzuli duena. Buck-Morss pentsalari estatubatuarrak 2001eko irailaren 11aren ostean idatzitako zenbait lan biltzen dituen obra da, liburuaren helburua zera da: "Ikustaraztea musulmanak gure auzokideak direla, ez direla fundamentalista fanatikoak, modernitatearekin lotzeko gaitasunik gabekoak, gure arazo global berdinak dituen jendea baizik". Abiapuntu hori hartuta, erdigunean jarri du borroka komunaren beharra. Hainbat estilotako sei atalez osatutako liburua da gaur aurkeztutakoa, islamismoari eta arteari buruzko gogoetak biltzen dituena.