Durangoko Azokaren hirugarren egunean, Txikipedia proiektua aurkeztu dute Kabia esparruan. 8 eta 13 urte bitarteko umeei zuzendutako euskarazko entziklopedia da eta modu ulergarrian hainbat arlotako ezagutzak zabaltzeko helburua dauka, beti ere, euskaraz baliatuta. Hasiera fasean badago oraindik ere, webguneak jasotzen dituen bisita kopuruak gora egiten du egunetik egunera. Horretaz gain, aukera izan dugu sortzaile gehiagorekin egoteko eta gertutik ezagutzeko azokara ekarri dituzten lanak.