2013. urteak emandakoa behar bezala errepasatu nahi izan dugu Hamaika Telebistan. Paperean argitaratzen diren urtekarien eredua jarraituz, programa mardula osatu dugu. Hilabetez hilabete, gertaturikoaren bilduma egin dugu. Politika, Ekonomia, Jendartea, Kultura eta Kirola alorrak izan ditugu oinarri. Gertaerak eremu bakoitzeko adituekin jantzi ditugu: Asier Blas (politologoa), Adrian Zelaia (ekonomialaria), Iñaki Petxarroman (Berriako zuzendariordea), Gorka Bereziartua (Argiako kazetaria) eta Joseba Iturria (Garako kirol kazetaria). Urtearen errepasoa, eskura duzue.