Irailaren 16an, 21:00etan, Joli Pascualenarekin, bera berpizten duen baratxuri zopa prestatuko dugu. Bere ibilbidea, zailtasunak eta garaipenak komentatzen ditugun bitartean sorpresak ere jasoko ditu gure gonbidatuak.
Abuztuaren 12an, 21:00etan Zaldieroa bezala ezagutzen dugun Patxi Huarterekin sukaldatuko dugu. Egungo egoerarekin kritikoa da, momentu batzuekin haserretzen da, baina bere umorea ere hizpide izango dugu saio honetan.
Abuztuaren 5ean, 21:00etan, Nafarroako Parlamentuko lehendakaria den Ainhoa Aznarez gertutik ezagutzeko aukera izango dugu. Sukaldean eroso dabilen bitartean politika munduko iritzi eta asmoen berri emango digu.
Ekainaren 24an, 21:00etan Doneztebera egingo dugu salto. Bertan Isabel Elizalde kontseilari eta euskaltzalearen inguruko hamaika kontu ezagutuko ditugu eta bide batez Koteto Ezkurra erremontista handia izanen dugu sukaldean lagun.
.gif)
