Gurean Gaur

Espainiako Poliziak atxilotu eta komisaldegian hil zen Elhadji Ndiaye Senegaldarraren inguruko azalpen faltak harrabotsa sortu du Nafarroan. Honen haritik sortu diren kezkak eta orohar arrazakeriaren egoera zein errefuxiatuen harrerari buruzko solasaldia izan dugu Papeles Denontzat elkarteko Iñaki Redinekin.

Abiatu da Mas, Rigau eta Ortegaren kontrako epaiketa Katalunian; konfidantza mozioa onartuta, Gasteizko Udalak baditu 2017rako aurrekontu berriak eta Ibon Iparragirre presoa berriz ere eraso dute.

Juan Maria Aburto Bilboko alkateari egindakoa da aste honetako elkarrizketa nagusia. Nafarroako AHTa, Gasteizko udal gobernuaren krisia, EH Bilduren konponbiderako txostena edota Altsasuko gazteen auziak ere hartu ditugu hizpide.

Donald Trump-en kargu hartzeak protesta ugari eragin ditu Ameriketako Estatu Batuetan. Milaka herritarrek "Women's march" bezala ezagututako mobilizazioetan parte hartu zuten.

Amaia Amilibia, Altsasun atxilotutako Jon Ander Cob gaztearen ama, elkarrizketatu dugu Gurean Gaur saioan. Familiek egoera dramatikoa bizi dutela kontatu digu. Cob-ekin batera,  Iñaki Abad, Oihan Arnanz, Julen Goikoetxea, Jokin Unamuno, Aratz Urruzola eta Adur Ramirez espetxeratu zituen Espainiako Auzitegi Nazionaleko epaileak, urriaren 15ean Altsasun izandako liskarra terrorismoarekin lotu ostean.

Gurean Gaur elkarrizketa saioan, Lurdes Imaz EHIGEko koordinatzailea elkarrizketatu dugu. Igande honetan Hendaian ospatuko den Euskal Eskola Publikoaren aldeko jaiari begira jarri gara. Hezkuntzako Euskal legeaz, finantzazioaren eztabaidaz eta beste ere hitz egin dugu.