Enplegua sustatzeko beharra ez du serio hartzen Eusko Jaurlaritzak, CCOO sindikatuaren esanetan. Atzo aurkeztutako plana sindikatu eta agente sozialen parte hartze gabe egina dela adierazi dute. Unai Sordoren arabera, planak ez  du egungo egoera aintzat hartzen. Hain zuzen, dagoen langabezia tasa onartezina dela adierazi du. Planak enplegu ezegonkorra eta behin behinekoa sortu ez ezik, finantziazio pribatua bultzatuko duela kritikatu du.