Saioak

Aizank! saioaren denboraldi berriko lehen atalean galdera jakin bat izango dugu sexologia atalean: zer da sexua? Galderari erantzuna emango dio Ander Lertxundi sexologoak. Ostegunean, apirilak 14, 20:00etan eta 22:30ean.

Immigrazioaren gaiari helduko diogu Aizank! saioan. Bilboko Urretxindorra ikastolako gazteekin errefuxiatuen krisiaz eta etorkinekin dugun harremanaz hitz egingo dugu. Ostegunean, apirilak 14, 20:00etan eta 22:30ean.

Gazteekin eta gazteentzat egindako saioaren hirugarren denboraldia martxan da. Astero, gai askoren inguruan ariko gara gazteekin solasaldi-eztabaidetan. Bestelako atalek osatuko dute programa. Ostegunero, 20:00etan eta 22:30ean.

Asier Lauzirika eta Aratz Estonba Ipar Kurdistanetik bueltan, bertan ikusitakoa kontatuko digute Esatea Libre saioan. Ondorengo, mahai-inguruan, Iñaki Soto, Martxelo Otamendi eta Xabier Barandiaranekin gaurkotasun politikoa errepasatuko dugu. Asteazkenean, apirilak 13, 19:30ean eta 22:00etan.

Kattalin Miner “Feministok Prest!” ekimenaren koordinatzailea elkarrizketatuko dugu Gurean Gaur programan. Apirilaren 9ko mobilizazioaren inguruko balorazioa eskatuko diogu. Gaur asteartea, apirilak 12, 21:00etan.

Osasunaren Nazioarteko Egunari begira, Dokuteka berezia izango dugu. "Aulki hutsak" dokumentala eskaini eta Iñaki Peña medikuarekin hitz egingo dugu. Heriotza du hizpide, tabua dena gure jendartean. Ostiralean, martxoak 8, 22:00etan.