Zaindu zaitez

Zergatik dira egungo haurrak lodiagoak? Elikadura aldaketak bere ondorioak ekarri ditu. Gaiari heltzeko Xabier Txakartegi pediatrarekin eta Nagore Enciso dietistarekin hitz egin dugu. Horrez gain, txertoaren balioaz aritu gara Juan del Arco farmazialariarekin.

Azken datuek esaten dutenez gurean lau pertsonetatik hiruk, minbizia garatuko du bere bizitzan zehar. Gainera, tamalez, minbiziak adin eta sexu guztietako pertsonengan du eragina. Gaitzaren inguruan sakon hitz egingo dugu eta horretarako lau gonbidatu izango ditugu; lau emakume. Lau ikuspuntu, lau bizipen ezberdin.

Gure gorputzarekin dugun harremana, mugimendua eta dantzaren bidez aztertu dugu Oskar Estangarekin. Fisikoki, mentalki eta emozionalki dantzak daukan balioaz hitz egin digu bere esperientziatik. Bestalde, galdera bati erantzuten saiatu gara. Zein da jatea eta elikatzearen arteko ezberdintasuna? Makrobiotikaren ikuspuntutik landu dugu.

Gaixotasun zeliakoa edo zeliakia dutenek, glutenarekiko intolerantzia dute. Jakina da zereal hainbatek dutela glutena. Gaiari heltzeko Nafarroako zeliakoen elkartera jo dugu xehetasun gehiagoren bila. Era berean, gaixotasuna ulertzeko informazio gehiago eman digute Juan del Arco farmazialariak eta Nerea Segura dietistak.

Begietara begiratu ez, soinu arraroak, … Jarrera hori duten haurrek zerbait adierazten dute. Hori da guk kanpotik ikusten duguna. Ordea, horren atzean arrazoiak daude. Izan ere, haur horiek behar bereziak dituzte, eta heziketa berezitua eskaini behar zaie. Autismoaren gaia adituekin landu dugu.

Jendarteko gainontzeko arloetan gertatu izan den bezala, urteetan zehar, zientziak eta honen barruan osasunak berak ere, gizonen gorputzak baino ez ditu aztertu, emakumeen sintomei arreta txikiena jarri gabe. Beste batzuetan gehiegizko medikalizazioa izan da nagusi. Programa berezia eskaini diogu gaiari adituen iritziarekin.