Zaindu zaitez

Antibiotiko edo botika jakin batzuekiko erresistentziak asko handitu dira azken hamarkadan.  Horri buruz galdetu diogu Juan del Arco farmazilariari. Bestalde, azukrearen ingurukoak argitzen saiatu gara. Pozoina da? Garbiñe Etxaniz makrobiotikan adituak du erantzuna. Bukatzeko, Medicus Mundi elkartearen ibilbidea errepasatu dugu.

Duintasunez hiltzeko eskubideaz hitz egiteko aukera izan dugu. Gaia tabua izan arren, jorratzeko beharra ikusi dugu, eta Iñaki Peña medikuarekin izan gara. Bestalde, Nerea Segura dietistak elikadura hautu ezberdinen inguruan hitz egin digu. Azkenik, hagineko mina kentzeko erremedioa ezagutu dugu.

Gure burua barrutik zein kanpotik zaintzeko aholkuak jaso ditugu saioan. Horretarako bi gonbidatu berezirekin hitz egin dugu: Garbiñe Etxaniz makrobiotikan aditua eta Ana Gisasola yoga irakaslea. Azken txanpan, osasun arazoak gainditzeko pare bat erremedio ere ikasi ditugu.

Osasun arloan euskarak bizi duen egoera ezagutu nahi izan dugu. Garbiñe Petriati Behatokiko zuzendariarekin hitz egin dugu. Bestalde, gaixotasun neurobiologiko bat ezagutu dugu: Gabeziaren Nahasmendua. Azkenik, Hiribirika osasun kolektiboko Khadim N'Diayerekin egin dugu hitzordua. Osasuna bizitzaren erdigunean kokatzeko beharraz mintzatu zaigu.

Gurean oraindik ere aurreiritziz betetako tabua da HIESa. 30 urte beteko ditu Nafarroako HIESAren kontrako batzordeak eta badute zer ospatu baina batez zer borrokatu. Batzordeko kidea den Luziarekin HIESAren egungo beharretaz jardun dugu. Bestetik,elikadura makrobiotikoaren oinarriak ezagutu eta sendabelarren jatorriaz aritu gara.

Aisialdi ereduari begira jarri gara. Hain zuzen, drogen kontsumo arduratsuaz aritu gara Hegoak elkarteko Itziar eta Eiderrekin. Kontsumitzen diren sustantzia ezberdinak aztertzen dituzte beraiek. Arriskuen murrizketan egiten dute lan, informazio praktiko eta erreala eskainiz. Bestelako gaiak ere izan ditugu.