Elkarrizketaren tartean, EAJ-ko senatari Jokin Bildarratzekin hitz egiteko aukera izan dugu. Jeltzaleek Pedro Sánchez-ek proposatutako Alarma Egoeraren luzapenari baiezkoa eman zioten Madrilgo Kongresuan, elkarlanerako eta kooperazioaren aldeko mezua aldarrikatuz. Aginte Bakarra alboratu eta erabakiak Eusko Jaurlaritzarekin bestelako harreman bat egituratzerako eskaera berretsi du Bildarratzek. Horrekin batera, EAEko hauteskundeak uztailean egiteko aukera izatea espero duela nabarmendu du.
Aitamari ontzia geldiarazi dute Palermoko portuan Italiako kostazainek irregulartasunak aurkitu dizkiotela argudiatuta. Apirilaren 19an 34 migratzaile porturatu zituen Aitamarik Palermon eta bertako kostazainek azterketa egin ostean, antzeman dituzten irregulartasun tekniko eta operatiboengatik bertan gelditzera derrigortu dute.