Aizank!

Sare sozialek gazteen arteko harremanak erabat aldatu dituzte. Gauza asko erraztu dituzten bezala, arrisku ugari sortu dira eta hauek era egokian erabiltzea da egun gurasoei kezka handiena pizten dien gaia. Horren inguruan aritu gara hizketan Ander Lertxundi sexologoarekin eta hainbat gauza argitzearekin batera, aholku interesgarriak eman dizkigu.

Aizank! saioaren atal berri honetan, Zurriola ikastolako gazteeekin homosexualitateaz aritu gara. Bestalde, Ander Lertxundi sexologoak sare sozialez eta hauek gazteen arteko harremanetan duten eraginaz hitz egin digu. Zr Iksi atalean, ordea, Algortako San Nikolas ikastola eta Donostiako Zubiri-Manteo ikastetxea bisitatzearekin batera, Lea-Artibai ikastetxean Mekatronika Industriala zikloa ezagutuko dugu.

Aizank! saioan astero egin ohi dugun bezala, oraingoan ere Lea Artibai ikastetxean egon gara. AFI, Admisnistrazioa eta Finantzak zikloa ezagutu dugu.

Aizank! saioan, Hernani LHII-ko heziketa zikloak ezagutu ditugu. Alorrez alor egin dugu ikastetxearen bisita bertako ikasle zein irakasleekin. Haien ikasketa metodoak, baliabideak, praktika eskaintzak eta lan irteerak zein diren azaldu digute.

Arrasateko Arizmendi Ikastolak haur hezkuntzatik batxilergorarteko ikasketak eskaintzen ditu. Baita heziketa zikloak ere. Aizank! saioan azken honi begiratu eta "Gorputz eta kirol ekintzen animazioa" deituriko goi mailako heziketa zikloa ezagutu dugu bertako irakasle zein ikasleen eskutik.

Aizank! saioan Zubiri-Manteo institutuko gazteekin droga kontsumoaz aritu gara hizketan. Batik bat alkoholari erreparatu diogu eta honekin duten harremanaz eztabaidatu dugu. Noiz hasten dira kontsumitzen? Zein testuingurutan? Zergatik? Ba ote dakite zer den edaten dutena? Haien arteko harremanetan eragina al du?