Azken bideoak: Hauteskundeak

Uztailaren 12an Araba, Bizkaia eta Gipuzkoan egitekoak diren hauteskundeen harira, Hamaika Telebistan alderdi eta koalizio ezberdinetako ordezkariak elkarrizketatuko ditugu. Aurrenekoa, Equo Berdeak-eko lehendakarigai José Ramón Becerra izan da, trantsizio ekologikoaren bidean zerga politikan aldaketak planteatzeaz gain, berreraikuntzarako gobernua proposatu du. Honatx solasaldiaren aurrerapena.

Udal hauteskundeetako bigarren itzuli berezi honetan abertzaleek bertako auzapezak eskuratu dituzte. Jean-Rene Etchegarayk Baionan karguari eutsi dio eta nahi izanez gero, Euskal Elkargoko presidente izaten jarraituko du. Partaidetza murritzak eta Koronabirusak markatutako bigarren itzulia izan da.

Hauteskunde kanpaina abiatu da eta lehendakarigaiak hasi dira dagoeneko herritarren botoa eskatzen.

Hauteskunde-mahaietan ez egoteko 1.500 alegazio jaso dira Bilbon jadanik. Hauteskunde-batzordeetan aurkeztutako argudioen artean Koronabirusarekiko beldurra da uztailaren 12an hauteskunde-mahai batean parte hartzea saihesteko arrazoi nagusia.

Dagoeneko alderdi guztiak hasi dira uztailaren 12rako prestatzen. Koronabirusaren pandemiak hauteskundeen atzerapena ekarri zuen, eta hauteskunde honetako protagonista izaten jarraituko du birusa, ekintza guztiak baldintzatuko dituelako.

Anakronismoei buruz hitz egiteko agerraldia egin du Miren Gorrotxategi Elkarrekin Podemos alderdiaren lehendakarigaiak. Kontzeptuari helduta, Gorrotxategik zaintza bezalako funtsezko zerbitzuak pribatizatuta egotea, La Naval erortzen uztea edota “EAJk inork baino hobeto” ezagutzen dituen bezero sareak jo ditu anakronikotzat.