Skip to main content

Azken bideoak: Politika

bideoaren irudia
Migrante eta errefuxiatuen eskubideen alde, Mugak Zabalduz karabanak Italiarako bidea hartu du

2018-07-13

Italiako gobernuak, Matteo Salvini barne ministroaren ekinbidez, migrante, errefuxiatu edo gutxiengoen aurka darabilen jarrera xenofonoa salatzeko asmoz, ehunka lagunek bat egin dute Mugak Zabalduz karabanarekin. Euskal Herrian, gaur bertan abiatu dira. Horiek horrela, Bilbotik 130 lagun atera dira, gehienak emakumezkoak. Mediterraneo itsasoan bizi den egoera lazgarria bertatik bertara ezagutu eta Sizilia bezalako guneetan, laguntza eman nahi dute. Italia zein beste herrietatako esperientzietatik ikasi, hango mugimenduekin zubiak eraiki eta Euskal Herrian baliagarriak izan daitezkeen neurriak eta bitartekoak ezagutzeko aukera izango dute. Dena, migrante zein errefuxiatuen bizi baldintzak hobetu eta euren eskubideak errespetatuak izan daitezen.

bideoaren irudia
Ehun preso inguru "berehala askatzeko" eskaera egin dute mediku eta abokatuek

2018-07-12

Ehun preso inguru "berehala askatzeko" eskaera egin dute mediku eta abokatuek. Gaixotasun larri eta sendaezinak, zigorraren hiru laurdenak bete dituztenak edo 70 urte baino gehiago dituztenak hain zuzen ere.

Espainiar legediak berak neurri hauek ahal bidetzen dituztela azaldu dute Mati Iturralde eta Miren Arana medikuek eta Iñaki Zugadi eta Haizea Ziluaga abokatuek. Horiek horrela, eri dauden presoen egoerarengan arreta berezia jarri dute, espetxeak ez bai dira gaixotasunak diagnostikatu eta tratatzeko leku egokiak. Hortaz, euren berehalako askatasuna eskatu dute.

bideoaren irudia
Ehun preso inguru "berehala askatzeko" eskatu dute mediku eta abokatuek

2018-07-12

Preso dauden pertsonen egoera beti da saila, eta  Euskal preso politikoena are gehiago , pairatzen duten salbuespen legediagatik. Egoera honi  gehitzen badigu osasun arazoak  are gogorrago bihurtzen da espetxe barruko egonaldia.

Egoera hau egiaztatzera etorri dira Mati Iturralde eta Miren Arana medikuek eta Iñaki Zugadi eta Haizea Ziluaga abokatuek.  Espetxeak ez direla gaixotasunak diagnostikatzeko ezta tratatzeko leku egokiak eta ehun preso inguru "berehala askatzeko" beharra azpimarratu dute.

bideoaren irudia
EH Bilduk historikotzat jo du autogobernu ponentzian lortutako akordioa

2018-07-11

EH Bilduk autogobernu ponentzian lortutako akordioaren balorazioa eman du jakitera Barakaldoko BEC-en eskeinitako agerraldian. Maddalen Iriartek eta Arnaldo Otegik historikotzat jo dute proposamena eta etorkizuneko Euskal Herria eraikitzeko tresna dela adierazi dute. Pertsonek euren bizitzan eragiten duten gaietan erabakitzeko eskubidea da proposamenaren muina formazio abertzalearen ustez eta proposamena egikaritzeko Estatuarekin harremana berdinetik berdinera izatea eskatu dute.

bideoaren irudia
40 urte betetzen dira Bilbon lehenengoz sexu askapenerako manifestazioa egin zenetik

2018-06-26

1978. urtean Bilboko lehenego sexu askapenaren manifestazioa burutu zen, 40 urte pasa dira eta horregatik aurten  atzera begira jarri da E28 koordinadora, emakume guztien papera ikusi haraziz  , urte hauetan egindako lana eskertzeko.

Emakume, trans, lesbiana eta bisexuales ari dira hitzegiten, aurrerapen garrantzitzu eta nabariak lortu harren,  ezin dute ahaztu  gaur egun eremu instituzionalean, familiartekoan, interpertsonaletan eta baita espazio feminista askoren barruan eta LGTB+ mugimenduan pairatzen duten Lesbofobia, bifoia eta trasmisognia  indarkeria bortitza

bideoaren irudia
Presoen abokatuek salbuespen egoeraren amaiera eskatu dute

2018-06-22

Euskal preso politikoen zigor betetzeaz arduaratzen diren abokatuak salbuespen politiken iraunkortzea salatu dute. ETAk ekintza armatua bukatu eta zazpi urtera eta jadanik armagabetua, presoen egoera bere horretan jarraitzen du.