Azken bideoak: Langileak

Denbora kontua zen eta, azkenik, ofizialki gauzatu da: La Naval-eko zuzendaritzak, kaleratze gutuna igorri die enpresako 173 beharginei. Egoera honen aurrean, langileek asanblada egingo dute ontziolaren aurrean eta, ondoren, manifestazioa deitu dute Bilbon. Kaleratzeek kolpe gogorra suposatzen dute Sestao zein Ezkerraldea osoarentzat.

Bizkaiko Etxez Etxeko Laguntza Zerbitzuko langileek greba egun gehiago iragarri zituzten joan den astean, hitzarmen duin baten defentsan. Hain zuzen ere, gaur egin dute deitutako greba berri horietatik lehena. Goizean goizetik hasi dira protestekin, Bilboko erdialdea hartu baitute lehen orduan euren borroka ikusgarri egiteko. Menpekotasun egoeran gero eta jende gehiago dagoela adierazi dute eta zerbitzua ezinbestekoa dela. Honez gain, esan dute, enpleguaren behin-behineko tasa handia dela sektorean, lanaldi partzial ugarirekin. 5 urte daramatzate soldatak izoztuta eta lan eskubideen galerarekin eta urtebete baino gehiago greba eta mobilizazioekin. Bihar egingo dute beste greba egun bat ELA, LAB, UGT ETA USO sindikatuek deituta. Beste hiru martxoan: 5, 6 eta 7an.

Egoeraren erantzuletzat jotzen dituztenen egoitzetatik pasatu dira gaurkoan. Gobernu Zibiletik hasi, PSE-EEren egoitzara, Murueta Ontziolen egoitzatik pasatu eta Sabin Etxearen aurrean bukatu dute. Otsailaren 13an, asteazkenarekin hasi zen Sestaoko ontziola erosteko epea eta likidaziorako azken fasea. Madrilen izan ziren 200 lagun inguru, Espainiako Kongresuaren aurrean protestan. Aurreko astean Europako Komisioarekin izan zuten bilera. Langileek adierazi dutenez Bruselan azpimarratu egin zuten beraiek aurretik planteatutakoa. Merkatu kondizioetan eta lehiakortasuna distortsionatu gabe egiten bada inbertsioa, Gobernuaren parte hartze publikoak ez daukala mugarik.

43 urteko gizona grua batetik erori da lanean zegoen bitartean. 8 metrotatik erori da oraindik ezagutzen ez den arrazoiren baten ondorioz. ELAk adierazi duenez, kargaren mugimendu zakar batek lehioa hauste eta zeharkatzearen ondorioa izan da. Gaineratu du, langile esperientziaduna izan dela eta gruaren erabileran formakuntzaduna. Atzoko lanuzteaz aparte, gaur goizeko 8etatik iluntzeko 8etara zamaketariek ez dute lanik egin. Sindikatuek adierazi dutenez, 7 dira urte honetako lan istripuen ondorioz hildakoak Euskal Autonomia Erkidegoan.

Gaur bi orduko geldialdia egin dute Bizitegiko langileek. Zuzendaritzak adierazi duenez, ez du baztertzen kaleratze gehiago egotea. Bi urteren ondoren sinatu dute gizarte ekimenaren hitzarmena. Hala ere, instituzioek Zerbitzuen Kantera berria zabaldu dute eta horren ondorioz berregituratzeak sortu dira. Zerbitzuen egituraketa honen ondorioz, diru gutxiago egongo da sektorean. Instituzioen esanetan, azaldu dute, diru gutxiagorekin baina organigrama berriarekin gizarteratze zerbitzua aurrera atera daitekeela. Adierazi dute, hurrengo mugimendu zein kaleratzeei adi egongo direla.

Menpekotasun egoeran gero eta jende gehiago dagoela adierazi dute eta zerbitzua ezinbestekoa dela. Sorospen arloari dagokionez, handitzen doan kolektiboa dela adierazi dute eta babes maila gutxitzen ari dela. 5 urte daramatzate soldatak izoztuta eta lan eskubideen galerarekin eta urtebete baino gehiago greba eta mobilizazioekin. Negoziazio mahaietan malgutasuna gelditzea eskatzen dute eta laneko bajak onartzea eta baita istripuen %100a lan istripu bezala aitortzea ere. ELA, LAB, UGT ETA USO sindikatuek greba egun gehiago deitu dituzte prentsaurrekoan