Gurean Gaur

Gurean Gaur albistegiaren baitako elkarrizketaren tartean, EHUko farmazia irakasle Gorka Oriverekin hitz egiteko aukera izan du Beñat Zarrabeitia lankideak. Hego Euskal Herriko datuek sortutako kezka eta gaitzari aurre egiteko mundu mailan azaldutako joerak -europarra zein asiarra- aztertu ditu.

Aita Menni ospitaleko langileek eta enpresa bereko beste hainbat zentrotakoek, greba eguna dute gaurkoa. Gainera, Gestampeko langileek ere mobilizazioekin jarraitzen dute. Aldi berean, abian da ITP Zamudioren kaleratzeak salatzeko ELAk deitutako hiru eguneko greba.

Koronabirusaren argazki orokorra “txarra izan arren” Nafarroak “aitzakiarik gabe” bere esparruari begiratuko diola azpimarratu du Santos Indurainek. Kutxatu kopurua 378kloa da, %12,5eko positibotasun tasarekin.

Abertzaleen koalizioaren partetik Bakartxo Ruizek, atzo arratsaldeko bileraren ostean, ziurtatu zuen bi parteak prest daudela 2021ko aurrekontuen inguruan akordioak erdiesteko.

9 urteko etenaldi luzearen ostean, bart banatu zituen berriz ere Euskal Aktoreen Batasunak Besarkada sariak. Euskal aktoreak omendu eta ofizioa aldarrikatzeko baliatu zuen elkarteak Azkuna Zentroan ospatutako gala eta sektorea krisi sakonean dagoen honetan, kutsu aldarrikatzaile nabarmena izan zuen ekitaldiak.

“Aitaren Etxea” lanarekin lortu du Euskadi Literatura Saria eta harekin batera, Iñigo Astiz kazetari eta idazle nafarraren “Joemak eta polasak” eta Miren Aisiainen “un millon de ostras en lo alto de la montaña” liburuak ere saritu ditu epaimahaiak, haur literatura eta lan literarioen ilustrazioaren ataletan, hurrenez hurren.