Gurean Gaur

Lapuebla de Labarcako alkate ohia eta senide bat hil dira upategi batean izandako lan istripuan. 52 eta 56 urteko bi langileak asteazken arratsaldeko azken orduan hil dira Arabako Errioxako upategi bateko mahats-biltegira erorita.

EAEko udalek berreraikuntzarako Europako funtsetatik datorren diruaren %30 jasotzea nahi du EH Bilduk. Zehazki, udalek funts horien %20 zuzenean jasotzea nahi du, eta gainerako %10a "zeharka" eragiten dieten proiektuen bidez jasotzea.

Azken egunetan Nafarroan lurrikara asko gertatu dira, eta kezka piztu da herritarrengan. Arturo Apraiz EHUko irakaslearekin aztertu dugu gaia.

Aurtengo otsailean sinatu zuten bake akordioa amerikarrek eta talibanek, baina egoerak normaltasunetik oso urrun jarraitzen du oraindik bertan.

Ogasun kontseilariak azpimarratu du “COVID19aren krisialditik ateratzeko eta Nafarroa berpizteko aurrekontuak” izatea bermatuko dituela gastu-sabaiaren igoerak eta horrek ahalbidetuko duela “oinarrizko zerbitzu publikoak babestu eta indartzea”.

Gastu-sabaia finkatzea “2021eko aurrekontuak ezartzeko oinarria” dela adierazi du Saizek gaurko agerraldian. Ogasun kontseilariaren iritziz orain zifra hau finkatzeak “aurrekontuak tarte luze batez aztertu eta adosteko nahikoa epea” emango du.