Azken bideoak: Politika

Bizkaiko Alderdi Popularrak Bilboko erriberako merkatuan egin du kanpaina itxierako ekitaldia. Raquel Gonzalez PPko Bilboko alkategaiak EAJrik gabeko Bilbo posible dela aldarrikatu du. Adierazi du segurtasuna indartu eta auzoak hirian integratzeko jardungo duela lanean. Aldi berean, babes sozialerako laguntzetan gertatzen ei den iruzurraren aurkako borrokan engaiatzeko asmoa adierazi du. Bestalde, Amaya Fernandez Batzar Nagusietarako zerrendaburuak nabarmendu du Bizkaiarako Popularrek duten proiektua enpleguan oinarritzen dela.

Kanpainako azken egunean iritsi da alderdietako kideek balorazioak egiteko unea. Joseba Asiron Iruñean aldaketak jarraitzeko aukera bakarr gisa aurkeztu du bere burua. Itziar Gomezek oinarrizkotzat jo du Geroa Bairen lana, hiriburuan aldaketak aurrera egin dezan eta Uxue Barkosek parte-hartzera deitu ditu Nafarroako herritarrak.

Auzo eta barruti guztientzako proposamenak dituztela adierazi du Alfosno Gil, Bilboko alkategaiak. Guztira 206 proposamen. Azaldu du ez dela subiranotasunaren inguruko eztabaidetan sartuko eta Alderdi Sozialistari bozka ematea estabilitateari bozka ematea dela esan du.Esan du Podemosi bozka ematea Eh Bildu bozkatzea dela.

Albert Rivera Ciudadanoséko burua Euskal Herrira etorri da beste behin, Errenterian eta Altsasun egindako agerraldi polemikoen ostean, Ugaon egin du ekitaldia gaur goizean, Josu Urrutikoetxea ETAkide atxilotu berriaren herrian. Herritarrek erabateko isiltasunaz hartu dute politikaria, herriko plazan 200 bat pertsona bildu dira “Ez zarete ongi etorriak” zioen pankartaren atzean eta alderdi laranjaren kide eta jarraitzaileak aurretik pasatzean bizkarra emanda hartu dituzte.

Maiatzaren 26ko hauteskundeak direla eta, Nafarroako Parlamenturako hautagaiekin eztabaida izan dugu Hamaika Telebistan. Bertan izan dira Koldo Martinez (Geroa Bai), Adolfo Araiz (EH Bildu) eta Laura Jimenez (Izquierda-Ezkerra). Iosu Ganuzak gidatu du eztabaida.

Izan ere, Arabako erakundeek auzitegietan aurkeztutako kereilek aurrera egiterik izan ez dutenez, auzia Nazio batuen Erakundeko Giza Eskubideeen Batzordera eramateko asmoa erakutsi du Martxoak 3 elkarteak.