Azken bideoak: Politika

Arantxa Tapia Eusko Jaurlaritzako garapen ekonomikorako sailburuarekin batera egin ditu adierazpen horiek Donostiako Oribay enpresara egindako bisitan. Industria aurreratuaren aldeko apustua egiteko asmoa azaldu du Goiak. Bere esanetan, horixe izango da datorren legegintzaldian bultzatuko duten proposamen nagusietako bat. Gipuzkoako hiriburuak horretarako osagaiak biltzen dituela adierazi du EAJren hautagaiak. Zentzu horretan, herritarren %30ak goi mailako ikasketal dituela nabarmendu du Goiak. Ehuneko hori %60rainokoa da 30 urtez azpikoen artean.

Euskal Herria Bilduk Iruñeko auzoetarako programa aurkeztu du. Orain arte egindako inbertsioak zerrendatzeaz gain, aurreikusita dauden lan eta proiektuak birpasatu ditu, Joseba Asironek, alkate eta alkategaiak.

Bilboko PSEren alkategai Alfonso Gilek bere alderdiak hezkuntzarekin duen konpromisoa adierazi du Basarrate landan egindako agerraldian. Udalak hezkuntzako eskumen oso murritza izan arren, haur eskolen egoeraren inguruko diagnostikoa eskatuko duela agindu du eta heziketa bukatzean lanpostu duinak sortze aldera, enplegu eta hezkuntza eragileekin fundazioa sortu nahi duela iragarri du sozialistak.

Anoetako belodromoaren atarian eskainitako agerraldian, kirolak bere dituen baloreak goraipatu ditu Ernesto Gasco PSEren alkategaiak. Zentzu horretan, talde lana eta elkar ulertzea goraipatu ditu Gascok, eta politikan ere ezinbesteko baloreak direla azpimarratu du.

Arnaldo Otegi EH Bilduko koordinatzaile nagusiaren esanetan, Urrutikoetearen atxiloketa bakea oztopatzeko saiakera bat da, eta ez da kasualitatea atxiloketa hauteskunde kanpainan egin izana. Adierazi du badela Euskal Herrian egoera politikoa gaiztotu nahian dabilenik, baina alferrik ari direla ziurtatu du.

Gaur goizeko lehen orduan atxilotu dute alpe frantziarretan. Urrutikoetxeak berak eskatuta ospitalera eraman dute mediku azterketa egitera, baina arratsaldeko lehen orduan berriz ere Gendarmeriaren komisaldegira eraman dute, bertak ohedabideen arabera.