Azken bideoak: Parlamentua

Nafarroako Parlamentua osatu dute gaur eta Unai Hualde hautatu dute presidente. Mahaia Yolanda Ibañez eta Inma Juriok, presidente orde gisa eta Lopez De Muniain eta Maiorga Ramirezek idazkari lanetan osatuko dute. PSNk hala eskatuta 5etik 7ra handituko da parlamentuko mahaiko kideen kopurua.

GARA egunkariak zabaldutako informazioaren arabera, ostegun honetan onartuko du autogobernu ponentziak aditu taldeak epea luzatzeko egindako eskari.

Nafarroako Gobernuko negoziazioetan aurrera egiteko Parlamentuko presidentetza eskatu dio Geroa Baik PSNri. Horretaz gain, Gobernuaren egonkortasuna bermatzeko, EH Bilduri ere parlamentuko mahaian ordezkari bat izatea dagokiola esan dio Uxue Barkosen alderdiak Maria Chiviteri. Uxue Barkosek, larunbateko alkatetzen osaketaren ondorioz, PSNrekiko konfiantza kolokan dagoela adierazi du.

Azarora arte luza dezake Eusko Legebiltzarrak estatus berria artikulatzeko epea, horretan dabiltzan adituek hala eskatuta. Hasiera batean, ekainean zen amaitzekoa autogobernu ponentzian adostutako oinarriak estatutu proiektu artikulatu bihurtzeko epea. Legebiltzarrean ordezkaritza duten alderdiek izendatutako aditu talde bat ari da lan horretan, EAJ eta EH Bilduk ponentzia horertan lortutako akordioa oinarri hartuta.

Diputatu gisa hautatuak izan diren preso politiko kataluniarrak kargugabetu egin ditu Kongresuko Mahaiak. PSOE, PP eta Ciudadanosek babestu dute erabakia. Unidas Podemosek aurka bozkatu du. Kongresuko zerbitzu juridikoei aholku eske eskatutako txostena jaso ondoren hartu du erabakia mahaiak. Kongresuko legelariek preso politiko kataluniarrak kargugabetzearen aldeko jarrera azaldu dute.

Apirilaren 28ko hauteskundeen ostean espainiar Estatuko hamahirugarren legealdiari ekin diote hautetsiek Kongresuan zein Senatuan. Jardunaldiko protagonista nagusiak Kataluniako buruzagi independistak izan dira. Oriol Junqueras, Jordi Sanchez, Jordi Turull eta Josep Rull diputatuak Soto del Real espetxetik irtetzeko baimena lortu dute horretarako. Independentistek kargua hartzean zalaparta sortu dute hainbat diputatuk, izan ere, “legeak behartuta” eta “preso politiko gisa” hartzen dutela adierazi dute.