Azken bideoak: Atxilotuak / presoak

Milaka izan dira azken hamarkadetan torturaren eragin latzak pairatu dituzten herritarrak. Torturaren Aurkako Egunean, praktika anker hau pairatu duten bi lankide aurrez aurre jarri ditugu- Iñaki Uria Hamaika Telebistako zuzendaria eta Miren Azkarate Hamaika Telebistako kazetaria. Euren arteko solasaldiarekin batera, memoria ariketa, eta bestelako testigantzak bildu ditugu. 2010an torturatu zuten Eneko Compains EHUko doktore eta zuzenbide irakaslearena, Amaia Izko abokatuarena eta Oihana Barrios sikologoarena.

Guardia zibilak 14 pertsona atxilotu ditu gaur, Kataluniako Generalitat-arekin edo entitate subiranistekin lotuta. Horrekin batera, hainbat gune arakatu ditu. Egoera honi erantzun, atxilotuei elkartasuna adierazi eta urriaren 1eko herri galdeketari babesa eskaintzeko, milaka herritar kalera atera dira. Hamaika Telebistak, zuzeneko saio berezia egin du egunak emandako guztiaren laburbilduma osatuz.

Lekeitiotik Lakuntzaraino joan zitzaigun ZokorriZta. Elkartasuna, musika, adiskidetasuna eta bestelakoekin batera osatu zigun gure begirale berezi honek oaringoan saioa. Hatortxu Rock-en krokodiloarekin izan zuen afera barne...

Sorosle senak bultzata, Zokorrizta Lekeitiora doa, baina egun pasa izango zenak, bestelako zentzu bat hartuko du Kalera martxarekin topo egin ostean

Sandra Barrenetxeak, malkoei ezin eutsiz, atxiloketa eta inkomunikazio garaian pairatutako tratu txarrak deskribatu ditu: "Poltsa egiten ari zirela, bat gainean jarri zitzaidan, metalezko objektu bat eskutan, bortxatu egingo nindutela esan zidan" adierazi du Barrenetxeak eta akusatutako hiru guardia zibil ezagutu ditu.

Hunkituta deklaratu du Barrenetxeak bera torturatzea leporatuta lau guardia zibilen aurka Bilbon burutzen ari den epaiketan. 

Karlos Trenor eta Oihana Agirre izan ditugu gonbidatu. Bederatzi eta zortzi urte bete dituzte espetxean, hurrenez hurren. Hilabete ere ez da egiatarrek askatasuna berreskuratu dutenetik. Sarek larunbatean Bilbon antolatu duen manifestaziora joateko deia luzatu diete herritarrei.