Azken bideoak: Saioak

Amerikako Estatu Batuetako hauteskundeen behin behineko emaitzei buruz hitz egin dugu Beñat Zalduarekin. Azaldu digu politikoki horren urrun egon ez arren, azken lau urteotan asko areagotu dela demokrata eta errepublikarren arteko alde emozionala, eta testuinguru honetan elkarrizketa batek ia ezinezkoa dirudiela. Horrez gain, Nafarroan azken egunetan Covid-19aren datuek izandako beherakadari buruz ere hitz egin dugu, eta baita Parisek poliziei argazkiak atera edo grabatzea debekatzeko duen asmoari buruz ere.

Aste honetan Gonzalo Santoma dugu protagonista. Bartzelonan jaioa, orain dela 15 urte Garraldara bizitzera etorri zen. Txikitan udak pasatzen zituen emen bere familiarekin eta euskara hitz egiten zela bazekien. Bizitzera etorri zenean hizkuntza ikastea erabaki zuen, bere hitzentan: "errespetu kontu bat da".

AEBtako hauteskundeetako emaitza definitiboen esperoan, Gurean Gaur albistegiaren baita gertatzen ari dena aztertzeko analisi ezberdinen bila jo dugu. Ion Ansak Donald Trumpek bere agintaldian zehar jasotako babesa aztertu du.

AEBtako hauteskundeen emaitza definitiboak ezagutu bitarte, Gurean Gaur albistegian analisira jo dugu ahalik eta gako gehien eskuratzeko. Iñaki Galdosek nabarmendutako artean, Donald Trumpek eskainitako agerraldiaren ostean, non "iruzurra" salatu duen, Errepublikarren baitan sortutako kritikak.

Oiartzungo Udalak Aranzadi Zientzia elkartearekin batera, 1936tik egundaino herrian izan diren giza eskubideen urraketak ikertuko ditu datozen lau urteetan. Etorkizuneko bizikidetza eraikitze aldera, iraganari begiratu behar zaiola azaldu du Jexux Leonet alkateak. Era horretara, giza eskubideen urraketa guztiak azaleratu eta bizikidetza oinarri sendoak jartzeko, gertatutakoa berriz ez dagin errepikatu.

Atzo, 15.611 test diagnostiko egin ziren, eta, haietatik, 1.425 positiboak izan ziren. Lurraldeka aztertuz, 163 Araban, 623 Bizkaian, eta 630 Gipuzkoan. Testuinguru honetan, Gotzone Sagardui Osasun sailburuaren esanetan, gero eta zailagoa dirudi konfinamenduaren saihesteak. Hala eta guztiz ere, sailburuak nabarmendu du badirela aukera gehiago neurri hori ezarri behar aurretik, eta, horretarako, indarrean diren neurriak betetzeko eskatu die herritarrei.