Azken bideoak: Saioak

Gurean Gaur albistegiaren baitan, Bilboko udaleko segurtasun zinegotzi Amaia Arregirekin hitz egiteko aukera izan dugu. Aurreko asteburuan emandako istiluak eta hiriaren erronkak hizpide, LABIak har ditzakeen neurri berrien aurrean hiria prest dagoela nabarmendu du.

Luzerako jo dezake Estatu Batuetako presidente berria izendatzeko prozesuak. Berriz ere kale egin dute inkestek, eta uneotan oso parekatuta jarraitzen dute Joe Biden eta Donald Trumpek. Giroa are gehiago korapilatu daiteke gainera, oraindik boto denak kontatu gabe dauden arren Trumpek dagoeneko iragarri baitu bera dela irabazlea.

Kontuak norekin adostuko dituen ez dute aurreratu agintariek baina atzo izandako bileren ostean Txibiteren exekutiboaren eta EH Bilduren arteko sintonia ona azaldu zuten bi parteek.

Amaia Agirre Bilboko Udaleko segurtasun zinegotzia elkarrizketatu dugu Hamaika Telebistan. Pandemiari aurre egiteko adituek diotenari kasu egitea garrantzitsua dela adierazi du.: "Prestatuta gaude adituek esaten dutena betetzeko; osasuna oso garrantzitsua da, ekonomia ere bai, eta oreka bilatu behar dugu".

Urrian 5.524 langabe gutxiago zenbatu dituzte Hego Euskal Herrian, Espainiako Lan Ministerioak asteazken honetan argitaratutako datuen arabera. Guztira, 177.379 langabe zenbatu dituzte azken hilabetean. Datu positiboetan salbuespena Nafarroa da, bertan 763 langabe gehiago baitaude Nafar Lansareren zerrendetan.

Xabier Leoz Siñarzubi fundazioko kidea da eta elkarte horrek kudeatu du Txantrea Auzoko Prebentzio Arretako zerbitzua azkeneko 20 urteetan. Orain, Xabier Leozek kritikatu du zerbitzuaren kudeaketa kendu dietela auzo elkarteei "munizipalizazioaren aitzakia" baliatuz.