Aizank!

Aizank! saioaren bigarren denboraldiko azken atalean, kirolaren inguruan hausnarketa egin dugu Urritxe institutuko gazteekin. Besteak beste, genero berdintasunaz, irainez edota eskola kirolean gurasoek izan ohi duten jarreraz aritu gara haiekin.

Aizank! saioaren bigarren denboraldiari amaiera emateko, kirol munduaz hausnarketa egin dugu Urritxe institutuko gazteekin. Bestalde, June Calsor pianojole eta abeslari donostiarrak bere arrakastaren sekretuak kontatu dizkigu eta hainbat kanta eskaini dizkigu. Gainera, aste honetan, Ikastravelling proiektua ezagutu dugu ere.

Aizank! saioaren atal berri honetan gazteek sarean nabigatzeko dituzten ohiturez aritu gara Urritxe institutuko gazteekin. Sare sozialetan, esaterako, zaintzen al dute euren pribatutasuna? Bestalde, Lain taldeko Kristina eta Leire abeslariekin izan gara eta, besteak beste, 'Tximeletak' disko berria gertutik ezagutu dugu. Azkenik, astero bezala Amaia Vazquez sexologoaren aholkuak izan ditugu.

Aizank! saioaren atal berri honetan, Amaia Vazquez sexologoak fantasia sexualez hitz egin digu. Zer dira? Zergatik izaten ditugu? Beharrezkoak al dira? Galdera hauei guztiei erantzun die.

Egunerokoan tarte handia eskaintzen diete gazteek sare sozialei. Hauen erabilpen egokia ez egiteak, ordea, arriskuak sor ditzake. Gazteak jabetzen al dira hortaz? Pribatua eta publikoaren arteko muga non dagoen ba ote dakite? Sare sozialak nola erabiltzen dituzten kontatu digute Urritxe institutuko ikasleek eta erabileraz hausnarketa egiteko tartea hartu dugu.

Lain taldeak 'Tximeletak' deituriko diskoa kaleratu berri du eta hain zuzen honen xehetasun guztiak ezagutzeko egin dugu hitzordua Billabonan Leire eta Kristina Lain taldeko abeslariekin. Horrez gain, haien ibilbidea errepasatu dugu eta haien egunerokoaz galdetu diegu.