Aizank!

Oihartzun handia ez badute ere, badira emakume pilotariak Euskal Herrian. Horietako batekin egin dugu hitzordua Aizank! saioaren atal berri honetan. Nagore Arozenarekin, hain justu. Haurdunaldia dela eta atseden garaian harrapatu dugu. Hala ere, orainarteko ibibildea errepasatu eta emakume pilotarien egoeraz hitz egin dugu berarekin. Bide batez, amatasuna eta kirola bateratzeko zailtasunez galdetu diogu.

Ohikoa da egunerokoan "gazteak gero eta lehenago hasten dira drogak kontsumitzen" bezalako esaldiak entzuntea. Aizank! saioan horren aurrean gazteek zein iritzi duten ezagutu nahi izan dugu eta horretarako Urritxe institutuan izan gara gaiaz eztabaidatzen. Besteak beste, zer, nola eta noiz kontsumitzen duten galdetu diegu.

Oporretako atsedenaren ostean itzuli gara Aizank! saioarekin eta eduki berriekin. Donostiako Axular Lizeoan izan gara immigrazioaz eta etorkinez hitz egiten. Bestalde, Zubietan Ane Bergara Realeko jokalaria elkarrizketatu dugu eta azkenik, Amaia Vazquez sexologoak sexu bidez transmititutako gaixotasunen inguruan hainbat aholku eman dizkigu.

Amaia Vazquez sexologoak sexu bidez transmititutako gaixotasunen berri eman digu Aizank! saioko sexologia atal berri honetan. Besteak beste HIESaz, gonorreaz edota bestelako gaixotasunek sor ditzaketen sintomez aritu gara berarekin. Hauen aurrean nola jokatu ere azaldu digu.

Aizank! saioaren atal berri honetan, immigrazioaz aritu gara Axular Lizeoko gazteekin. Jatorri ezberdinen arteko bizikidetza hori nola ikusten dute gazteek? Normaltasunez jokatzen al dute etorkinen aurrean? Eta zer gertatzen da gu garenean atzerriko herrialde batera goazenak? Honen guztiaren inguruan eztabaidatu dugu.

Ane Bergara futbolariak azken urteak Realean egin baditu ere, ibilbide luzea du egina aurretik. Hain zuzen horren inguruan galdetu diogu Zubietan berarekin egin dugun hitzorduan. Bestalde, bere zaletasun eta proiektuen berri ere eman digu, emakumezko futbolak bizi duen egoeraz hausnarketa egitearekin batera.