Gehienbat kantu ezagunen bertsioak abesten ikusi dugu sare sozialetan eta bere kontzertuetan, baina horrez gain, Unax Noga zarauztarra bere lehen diska prestatzen ari da. Honen inguruan aritu gara eta bere musikarako grina nondik datorkion azaldu digu. Gainera, proiektu berriko kanta bat ere eskaini digu.
Gaur egungo egoera ekonomikoaz aritu gara Aizank! saioko atal berri honetan Axular Lizeoko gazteekin. Batxillergoa amaitzear dauden honetan, zein asmo dituzte datorren urteetarako? Kezkatzen al die egoerak? Esaterako, prest egongo al lirateke atzerrira joateko lanera? Besteak beste, galdera hauei erantzun diete gazteek.
Aizank! saioko Zr Iksi atalean Ondarroako Institutua bisitatu dugu. Instalakuntza eta baliabideak ikustearekin batera, bertako ikasle zein irakasleekin hitz egiteko aukera izan dugu, institutuaren heziketa eskaintza gertutik ezagutuz.
Apirileko azken Aizank! saioan, krisi ekonomikoaz aritu gara hizketan Axular Lizeoko gazteekin. Bestalde, Zarautzen Unax Noga musikariarekin egin dugu hitzordua eta kostaldetik urrundu gabe, ZR IKSI atalean, Ondarroako Institutuan ezagutu dugu.
Aizank! saioaren atal berri honetan Bizkaialdera hurbildu eta Amorebietako Urritxe institutuan izan gara. Droga eta alkohol kontsumoaz eztabaidatu dugu bertako gazteekin. Bestalde, Anoetan, Nagore Arozena pilotariarekin egon gara eta emakumeak pilotan duen presentziaz galdetu diogu besteak beste. Eta astero bezala, Amaia Vazquez sexologoaren aholkuak izan ditugu. Oraingo honetan arrisku praktiken berri eman digu.
Pasa den astean Amaia Vazquez sexologoarekin sexu bidez transmititzen diren gaixotasunez hitz egin ostean, Aizank! saioaren atal berri honetan arrisku praktikak zeintzuk diren galdetu diogu.
