‘Haserre Gaua’ izeneko mobilizazioa deitu du Sortuk Bilbon larunbat gauerako. Igor Gonzalez Sola euskal presoaren heriotzaren ostean, Gobernu espainolaren «inakzioa» salatzeko eta espetxe-politikaren aldaketa bat exijitzeko antolatu da ekimena.
Parte hartu ala paso egin: gazteen ikasketa politikoak aztergai izeneko txostena plazaratu du Euskal Herriko Unibertsitateko Parte Hartuz ikerketa taldeak. Ondorioetako bat zera da: egungo gazteak politika instituzionalarekiko urrun kokatzen direla. Baina, horrek ez du esan nahi, jarduera politikorik ez dutenik. Hortaz aritu da Iker Iraola Parte Hartuz ikerketa taldeko kidea. Azaldu duenez, praktika politiko berritzaileak garatzeko joera nabarmentzen ari da Euskal Herriko gazteen artean.
Hamaika Telebistak, Diario de Noticias kazetarekin, 36ko altxamendu faxistak Nafarroan izandako eragina lehen eskuko testigantzen bitartez azaltzen dituen “Hezurren Memoria” saioaren helebizko bertsioa argitaratuko igandero du euskarri fisikoan aste honetatik aurrera, “Amapolas en la Memoria” izenburupean.
Iñigo Urkulluren hirugarren Gobernuko hamaika sailburuek euren kargua hartu dute Ajuria Enean. Ekitaldian, arduraren lehendabiziko zina Josu Erkorekak egin du, izan ere, berebiziko garrantzia izango du bozeramaile ohiak Eusko Jaurlaritza berrian. Badirudi, pisu politikoa lehenetsi duela Urkulluk Gobernuaren eraketan. Hala adierazi du Ion Ansa analista politikoak ere, esanez, aurreko legealdiarekin alderatuta, alderdiko egiturek pisu handiagoa dutela Lakuaren osaketa berrian.
Hasi du ibilbidea Iñigo Urkullu buru duen Lakuako Gobernu berriak, hamaika sailburuen kargu hartzearekin batera. Izan ere, sailetako buruek karguak hitzeman ondoren, lehen aldiz bildu da XII. legegintzaldiko Gobernu Kontseilua. Horretan, koronabirusak eragindako krisitik ekonomia suspertzea izan da eguneko gai nagusia.
Egun batzuk besterik ez dira geratzen aurtengo Diadarako. Ezohikoa izango den egun horri buruz hitz egin digu Elisenda Paluzie, ANCko presidenteak. Covid-19ak protestetan izango duen eraginaz gain, Urriaren 1eko erreferendumaz geroztik gobernuak izandako jarreraz eta alderdien arteko hika mikez jardun dugu, besteak beste, berarekin.
.gif)
