Azken bideoak: Politika

Iñigo Urkulluk lehendakari karguaren zina egin duen egun berean jakitera eman ditu Jaurlaritzak sailburuen izenak. Aldaketa garrantzitsuekin osatu du lehendakariak hurrengo gobernua: sei gizonek eta bost emakumek osatuko dute, EAJren eta PSEren artean banatuko dituzte sailak, ez dago independenterik, eta aurreko gobernua baino euskaldunagoa izango da.

Telematikoki egindako bileran, Sanchezek “hitzarmen taktiko” bat eskatu die erkidegoetako presidenteei, eta azpimarratu du eskolak ixteko erabakia alde bakarrez hartzeak birusaren hedapena leundu beharrean, kontrako efektua eragin dezakeela. Sanchezek ohartarazi du lurralde batean hartutako erabakiak alboko lurraldean eragina izan dezakeela.

Orotara 200 bat lagunek egin zuten protesta alderdi ultraeskuindarraren ekitaldiaren inguruan eta horietatik 15 atxilotu zituen Ertzaintzak desordena publikoak eragitea egotzita. Goizaldean hasi dira aske geratzen bermea ordainduta manifestariak, bermea ordaindu ostean.

Espero bezala, Eusko Legebiltzarrak Iñigo Urkullu izendatu du lehendakari, EAJren eta PSE-EEren babesarekin. Hala, gehiengo osoz hautatua izan eta gero, gobernabidea bermatuta izango du Urkulluk bere hirugarren agintaldian.

Martin Villaren deklarazioa dela eta Iruñean eginiko agerraldian Josu Txueka historialariak hartu du hitza. Aurretik tartea hartu du Hamaika Telebistaren kameren aurrean hitz egiteko eta kereila argentinarra delakoak izandako ibilbidea azaltzeko

Lakuako Barne sailburu izan den Estefania Beltran de Herediak ez du karguan jarraituko, EAJk senatari autonomiko gisa proposatuko baitu.