Azken bideoak: Politika

G7 goi bileraren harira, polizien arteko elkarlanari buruz hitz egiteko elkartu dira. Bere parekide espainiarrarekin bildu aurretik, Castanerrek adierazi du segurtasuna maila gorenean mantenduko dutela goi bilerak irauten duen artean.

EH Bilduren Iruñeko udal taldeak legealdiaren lehendabiziko 15 egunen balorazioa egin du. Joseba Asiron oposizio buruaren hitzetan, Navarra Suma eskuin muturreko koalizioak suntsitzeko, baztertzeko eta baliogabetzeko duen gaitasuna agerian utzi du.

Atzo kapitaina libre utzi zutela jakindakoan, Matteo Salvini Italiako Barne ministroak gogor kritikatu du epailearen erabakia. Ekintzaile alemaniarra Italiatik kanporatuko duela ohartarazi du. Hala ere, epailearen aurretik pasatu behar du lehenik kapitainak hilaren 8an. 31 urteko ekintzailea baimenik gabe Lampedusan porturatu zen, ekainaren 12an Mediterraneoan erreskatatutako 40 pertsona lehorreratzeko asmoarekin. Italiako auzitegiek, baina bertan behera utzi dute Sea Watch 3 kapitainaren aurkako atxilotze agindua, argudiatuta "bere egitekoa" egin zuela. Epaileak, egotzitako erresistentzia eta gerraontzi batenganako bortizkeria karguak kendu dizkio. Bestalde, astean zehar Euskal Herrian elkartasun uholdea izan da Mediterraneoko errefuxiatuen eta kapitain alemaniarraren alde.

Gaurko Gobernu batzarrean, kontseilariek hiru neurri nagusi adostu dituzte: Eskola Mapa berria, Magnesitas enpresari diru laguntza eta egoitzetako diru laguntzen antolaketa berria.

Hala hitzartu dute astearte goizean jarduneko presidenteak berak eta Meritxel Batet, Kongresuko mahaiko presidenteak. Horrek hauteskunde berri batzuekin amaitu daitekeen atzera kontaketa jarriko du martxan