Azken bideoak: Gizartea

Donostiako Zero Pobrezia plataformak hamabost urte daramazki pobreziaren aurka, mugarik gabeko elkartasunaren alde eta eskubide guztiak herritar guztientzat aldarrizkatuz. Pobreziaren aurkako Nazioarteko Eguna hilaren 17an izan zen eta horren harira, hainbat ekintza antolatu zituen plataformak, besteak beste, bizikleta-martxa herrikoi eta erreibindikatzailea.

Pasa den asteburuan manifestazio bat egin zuten Tolosan, Asuncion klinikako agerraldia kudeaketa ereduaren eta kontrolik ezaren ondorio dela salatzeko. Osasun sistema publikoaren aldeko aldarria ez da berria Tolosaldean, baina azken egunetan Asuncion klinikan 42 koronabirus kasu atzeman izanak eta ospitalea itxi behar izanak areagotu egin dituzte kezka eta haserrea.

Covid19 gaitzak eragindako izurriaren ondorioz, AEK-k Korrikaren edizio berria 2022 urtera atzeratzea erabaki du. Penaz baina arduraz hartutako neurria da eta Gurean Gaur albistegian Korrikako koordinatzaile Asier Amondorekin hitz egiteko aukera izan dugu.

Covid-19ak ez du berdin jokatu biztanleria-dentsitate, klima eta adin-talde ezberdinak dituzten lekuetan, ezta herrialde berean ere, eremu batzuek eragin edo hilkortasun handiagoa izan baitute, eta beste batzuek, berriz, eragin txikiagoa. The Atlantic-en argitaratutako artikulu batean Zeynep Tufeckik hausnartu du koronabirusak zergatik jokatzen duen horrela.

467 izan dira, Nafarroako Gobernuak aurreratutako datuen arabera, eta positibo tasa %17,2ra igo da. 56 positibo gehiago dira, aurreko egunarekin alderatuta. Guztira 2.719 PCR proba egin zituzten, larunbatean baino 617 gutxiago, baina hala ere positibotasun tasak gora egin du, nabarmen gainera, eta %12,3tik %17,2ra salto egin du.

Aste honetan, Younes dugu protagonista. Duela 22 urte etorri zen Marokotik Lakuntzara, maitasunak ekarrita. Younesen euskalduntze prozesuaz hitz egingo digu, baita Lakuntzako Marokoarren komunitateaz hitz egingo dugu. Guraso direnek D ereduan matrikulatu dituzte haien haurrak, baina zailtasun gehiago dute beraiek euskara ikasteko.