Azken bideoak: Gizartea

Koronabirusak munduaren ohiko dinamika guztiz geldiarazi du. Lanean, osasunean, aisialdian… edota kirolean, hori baita ondorioak gehien pairatzen ari den sektoreetako bat. Zuzenean, taldeka zein banaka, baina beti publikoarekin egiten diren ikuskizunak dira. Pasa den astean jakinarazi zenez Tokioko Olinpiar Jokoak 2021eko udan ospatuko dira. Beraz, urtebetez atzeratzea erabaki dute. Horrelako albisteak, bata bestearen atzetik etorri dira azken egunotan. Wimbledon, Londresen jokatzen den teniseko urteko hirugarren Slam handia bertan behera utzi dute antolatzaileek. Covid-19ak, historian bigarren aldiz, txapelketa ez ospatzea eragin du; aurrenekoa, bigarren mundu gerran izan zen. NBA, munduko saskibaloi ligarik onena, bertan bera utzi ez, baina partida asko jokatu gabe geldituko direla azaldu dute. Jokalariek soldaten %25eko jaitsierak onartuko lituzkete beraien sindikatuaren eta jabeen arteko negoziazioan hala erabakitzen bada. Txirrindularitzan UCI-k lasterketa guztiak bertan behera utzi ditu, gutxienez ekainera arte. Itzulirik handiena, Frantziako Tourra alegia, momentuz uztailerako mantentzen da, baina zalerik gabe korritzea guztiz alboratu dute.

Nola bizi du artistak etxealdia eta bakardadea? Hemen Tessa Andonegiren proposamena: atondu, apain jarri eta atera balkoira. Publikoa zain da-eta.

Hiletak, beilak debekatutako egunotako hausnarketa. Adio esatea behar beharrezkoa da dolua garatu ahal izateko.

Autismoaren Nazioarteko Eguna da gaur. Konfinamenduak, jokabide aldaketa eragin dezake AEN autismoaren espektroko nahasmendua duten zenbait pertsonarengan, eta, hori baretzeko, kalera irteteko baimena dute. Maialen Mundin Gipuzkoako Gautena autismoaren nahasmendua duten pertsonen familien elkarteko hezitzailearekin izan gara.

Oinarrizko zerbitzuetan ari direnen segurtasuna eta osasuna babestea exigitu diete Eusko Jaurlaritzari eta Nafarroako Gobernuari. Osasun eta zaintza zerbitzuetan ari diren langileen baliabide falta salatu du sindikatuak, bereziki, garbitzaileena.

Japoniar errezeta bat dakarkigu gaur Iñaki Ubiriak, Leka eta sesamo entsalada miso eta tahinia erabiliz. 5 minututan prest izango dugun errezeta.