Azken bideoak: Gizartea

Legeari dagokionez hau ziurgabetasun handiko egoera dela azaldu du Aratz Estonba Askatasunaren Kolektiboetako Abokatuak, eta horrek poliziari interpretazio tarte handia ematen diola. Azken egunetako polizia indarren “gehiegikerien” inguruko analisia egin du.

Edouard Philipek, Frantziako lehen Minsitroak, konfinamendu-neurriak zorroztuko direla iragarri zuen atzo gauean Pariseko Matignon jauregitik egindako prentsaurrekoan. Konfinamendu nazionala zuhurki betetzeko iragarri ditu neurriak. Argitu duenez, aurretik hartutakoak gogortuko dituzte baina, momentuz, ez dute hauek handitzea erabaki.

Alvaro Trapero eta Alexander Pereda sortzaileek Arabako mapa interaktiboa sortu dute laguntza-ekimenen berri emateko, eta ondoren, sare sozialetan zabalkundea egiten dute. Laguntza.eus orrialdean bakoitzak bere ekimen solidarioa gehitu dezake mapara, eta gainerako boluntarioen kontaktuak ere eskuragarri daude.

Aurtengo udan ospatzekoak ziren Tokioko joko olinpikoak atzeratzera behartu du Koronabirusaren krisiak. Hala adostu dute Japoniako lehen ministro Shinzo Abek eta Nazioarteko Olinpiar Batzordekoak, Thomas Bach-ek,eguerdian egindako telefono deian. Atzeratzea, gehienez ere, 2021eko udara arte izango litzateke, iragarri dutenez.

Nafarroako Parlamentuak osoko bilkura egingo du aste honetan. Eledunek gaur onartu dutenez, alderdietako bozeramaileek eta parlamentuko presidenteak soilik hartuko dute parte alarma egoeran ezarritako neurriak betetzeko.

Automobilaren industriak ekoizpena aldatu du arnasgailuak eta haizagailuak egiteko, adibidez. Seat enpresa, adibidez, haizetako-garbigailuaren motorra eta 3D piezak dituzten arnasgailuak egiten hasi da Martorellen duen egoitzan. Xiaomi marka txinatarrak ere, maskarilla elektriko baten salmenta iragarri du. Herritarren artean ere sortu dira ekimenak. Tartean, etxean maskarilak egitearena. Hauen prestutasuna ikusita Gipuzkoako DYA prest agertu da hasieratik lan logistikoa egiteko eta ekoizteko oihala etxeetara banatzeko.