Azken bideoak: Kultura

Hiru hilabete entsegu eta kastingetan eman ondoren, iragan asteburuan ospatu zen Harrapazank talentu lehiaketaren finala. Bilboko Udalak eta Euskaltzaleen Topaguneak antolatutako ekimenean dantza, antzerkia zein musikaz gozatu ahal izan zen. Junior eta senior kategoriak egon ziren eta partaide guztiek maila itzela erakutsi zuten.

Krisi ekonomikoari errepasoa egin dio Miren Garate kazetariaren kronika-liburuak. Krisiaren alde humanoa hartu du baina, ardatz. Zuzenean nahiz zeharka krisia pairatu duten herritarren testigantzak jaso ditu Garatek "Ekaitzaren zipriztinak" liburuan, baita adituenak ere.

Hamabi urte zituenean hasi zen abestiak sortzen Iratxe Mugire barakaldarra. Orain disko batean gorpuztu ditu bere sorkuntzak, "La piel transparente" izenpean. Pedro de la Osa gitarra jotzailea izan du lagun prozesu honetan. Bidaia luzea izan den arren, pozik agertu da musikaria, zuzeneko emanaldietan bere lana defendatuz gozatzen ari dela dio.

Asteongo ArteKale saioa irakurketa proposamen batekin hasiko dugu. Miren Garate kazetariak "Ekaitzaren zipriztinak" kronika-liburuaren inguruan hitz egin digu, bertan krisia pairatu duten herritarren testigantzak jaso ditu. Gainera, Iratxe Mugire musikari barakaldarraren disko berria ezagutu dugu. Asteburuan, Harrapazank taldentu lehiaketaren finalean egon ginen. Hori guztia, eta asteburuko agenda kulturala, nola ez, Artekale saio honetan. On egin!

Laugarren aldiz jantzi zuen Nafarroako txapela pasa den apirilaren 8an Julio Soto gorritiarrak. Iruñeko finalaz eta bere bizipenez aritu gara txapeldunarekin. Gainera, finaleko bertsoaldi onenak jaso ditugu.