Azken bideoak: Gaikakoa

Donostiako Sagues inguruan ohitura bihurtu da merenge gerra. Haur eta gazteentzako topagune estimatuenetakoa da. Horiek horrela, beste behin ere, hurbildu zirenek ondo baino hobeto pasa zuten. Baita guk ere.

Eskandalosa kofradiako kideak plisti-plasta ibili ziren Saguesen. Eguraldi ona aprobetxatuz ur jolasak antolatu zituzten hurbildu zirenen gozagarri.

Aingura kofradiako kideek aurreneko bazkari beganoa antolatu zuten Flamenka gunean. Animalia jatorriko jakirik gabeko menu aproposa eskaini zieten bazkariko txartela erosi zutenei. Abordatzearen biharamuna goxatu ahal izan zuten.

Laugarren egunean jolasak izan ditugu protagonista. Batetik, Donostiako Piraten kofradiek antolaturiko ur jolasez gozatzeko aukera izan genuen. Bestetik, Sagueseko merenge gerra arrakastatsuan izan ginen. Eguneroko inkestarekin batera, Flamenka guneko lehen bazkari beganoa dastatu genuen.

Donostiako Aste Nagusian ezinbesteko ekintza bilakatu da Piraten Abordatzea. Aurtengoan, 2000 pirata baino gehiagok izan dute Donostia abordatzearen ardura.

Donostiako Aste Nagusiaren astelehenak bere ezaugarri propioa du. Donostiako Piraten abordatzeak hiria bere egiten du. Horrela, goizean goizetik buru belarri lanean aritu ziren Piratak ontzia eraiki eta abordatzearen unea iristerako prest izateko.