Azken bideoak: Sindikatuak

LAB sindikatuak urteroko delegatuen batzar nazionala burutu gaur Donostiako Atano III pilotalekuan. 2014rako erronka eta iniziatibak eztabaidatu dituzte batzarrean. Mugarri berriak jartzeko lan egiteko beharra azpimarratu du Ainhoa Etxaide idazkari nagusiak. Egoera ekonomiko eta sozialean aldaketak ekarriko dituen erabakiak behartzeko jardungo dutela adierazi du.

LAB sindikatuko ordezkariek protesta egin dute gaur goizean Adegiren egoitzan, patronalak antolatutako jardunaldiak salatzeko. Lan harremanen modelo berrien inguruko ekitaldia egin dute gaur Adegiren eskutik Miramonen, eta bertan izan da Arantza Tapia ekonomia, garapen eta lehiakortasuneko sailburua. LABek salatu egin du Eusko Jaurlaritzak ekimen horretan parte hartu izana.

Gurean Gaur saioaren elkarrizketa atalean, Adolfo "Txiki" Muñoz ELAko idazkari nagusia izan dugu. Azken hilabeteko langabezia datuak eskuan, lan munduaren analisia egin dugu berarekin. Ezkor agertu da, soldaten, pentsioen eta enpleguen kalitateaz aritu denean.

Unai Sordo CCOOeko Idazkari Nagusiak esan du EAEko langabezia datuak oso kezkagarriak direla eta bestelako politikak aldarrikatu ditu.

Confebask presionatzeko eskatu dio LABek Eusko Jaurlaritzari honek lan hitzarmenak negoziatu ditzan. Gogoratu lan erreformak zehazten duenez hitzarmenen ultraaktibitatearen amaiera datorren uztailaren 7rako zehazten dela. Horregatik hain zuzen ere, Etxaidek Eusko Jaurlaritzari  Confebask presionatzeko eskatu dio.