Azken bideoak: Langileak

Zabortegiaren epaiketan Zaldibarko Udala akusazio partikular izatea adostu dute Udalbatzan ordezkaritza duten hiru indar politikoek.

Emaktiva proiektuak 2019ko balorazioa egin du. Zaurgarritasun egoeran dauden emakumeak lan munduan barneratzea da egitasmoaren helburua.

1976an Gasteizen erahildako bost langileak eta 2020ko lehen bi hilabete hauetan Euskal Herrian hildako 14 eta luizian desagertuta jarraitzen duten bi langileak oroituko dituzte ELA, LAB, ESK eta STEILAS Sindikatuek, Martxoak 3 elkartearekin batera, datorren astearteko mobilizazioetan

Goizeko lehen orduan berriro ekin diote Joaquin Beltran eta Alberto Sololuzeren bilaketari. Larunbatetik, bilaketa-lanak zabortegiko beste gune batean egiten ari dira, Joaquinen autoa topatu duten lekuan hain zuzen. Hala ere, baskularen ondoan daudela uste dute teknikariek, baina ezin dira momentuz bertara hurbildu.

Gunearen ezegonkortasuna dela eta, beste toki batean bilatzea erabaki dute, egun zabortegian beharrean daudenen segurtasuna bermatzeko. Helikoptero batek apar zigilatzailea jaurti du zabortegiaren goiko aldean, sua piztea ekiditeko.

Emakume eta gizonen arteko soldata berdintasunaren aldeko eguna da otsailaren 22a. Eurostaten arabera, egun emakumeek gizonek baino %12 gutxiagoko soldata daukate.