Azken bideoak: Langileak

Behargin bat hil da goizeko zazpiak aldera Arrigorriagako Txako industrialdean. Antza denez, eskailera batetik erorita zendu da. Halere, Osalan, Laneko Segurtasun eta Osasunerako Euskal Erakundea gertatutakoeran inguruko txosten bat egiten ari da. Alta bada, 24 orduan Euskal Herrian izandako bigarren lan istripua izan da Arrigorriagakoa. Izan ere, atzo, hilak 15, garraiolari bat hil zen Pasaiako portuan.

Bi hilabete pasatu dira Zaldibarko zabortegian luizia gertatu zenetik. Zer gertatu den eta zergatik gertatu den argitzeko eskatu dute herritarrek. Egoera nola aldatu den eta lehentasunak zeintzuk diren azaldu dizkigu Janire Lazkano Zaldibar Argitu plataformako bozeramaileak.

Zaldibarko zabortegiko luiziaren ostean desagertutako bi langileen bila ari diren beharginek Alberto Sololuzeren autoa izan daitekeena aurkitu dute. Ertzaintzak adierazi du, ordea, autoa aurkitu arren, ez dutela aurkitu gorpuzkirik. Alberto Sololuze eta Joaquin Beltran otsailaren seian desagertu ziren Zaldibarko zabortegia erori ostean. Bi hilabete hauetan, langileen erreskatea hainbat aldiz eten behar izan dute, bertan amiantoa aurkitu baitute. Era berean, lurraren ezegonkortasunaren eta hondakindegiko material toxikoak eragindako suteen ondorioz.

Covid 19 gaitzak eragindako izurriteak gizartea, osasuna eta ekonomiarekin lotutako krisiak eragin ditu. Egoera honek sortutako ondorioen inguruan, ELAko idazkari nagusi Mitxel Lakuntzarekin hitz egin dugu. Elkarrizketa osoa bertan ikusgai.

Gainezka egiten ari dira koronabirusaren inguruko zalantzak argitzeko ezarritako osasun zerbitzuetako telefonoak. Araban, Bizkaian eta Gipuzkoan 900-20 30 50 zenbakira deitu behar da edozein zalantza argitzeko, Nafarroan 948-29 02 90 zenbakiera. Telefonoaren beste aldean dauden langileak gutxi dira eta dei askori erantzun behar diete gainezka daude.

Protestan gogorarazi dutenez, duela hilabete jazo zen luizia, eta oraindik "gauza asko" argitu gabe jarraitzen dutela salatu dute. Horren aurrean, uraren, lurraren eta airearen kontrol gehiago, eta Iñaki Arriolaren dimisioa exijitu dute.