Azken bideoak: Langileak

Gehiengo sindikala osatzen duten sindikatuek elkarretaratze bat egin dute Bilbon, Arriaga plazan, Lan istripu gehiagorik ez, prekarietatea hiltzailea lelopean.

"Prekarietatea hiltzailea" lemapean Zaldibarko zabortegian gertatutako lan istripua salatzeko, itxialdia egin dute sindikatuek. Honela, lan istripuak salatu eta erantzuleak seinalatu nahi izan dituzte. Oihu eta aldarrien artean, isilunea ere gorde dute aurten Hego Euskal Herrian hildako 11 langileak eta zaldibarren lur azpian desagertuta jarraitzen duten bi langileak gogoratzeko.

Udalak zabaldu du aholkua , "zenbait ur hartze pribatutan" azaldu diren "datu batzuk" direla eta. Hala ere, Jaurlaritzaren Osasun sailak egoerari buruz egin duen azken txostenaren arabera, Zaldibarko, Eibarko eta Ermuako bizilagunek “segurtasun osoz” kontsumitu dezakete iturriko ura. Bitartean, Zaldibarko zabortegiko bi langilek sei egun daramatzate jada desagertuta. Honen aurrean, Jaurlaritzak iragarri du astebeteko epea emango diola Verter Recycling enpresari jarduketa-plan bat aurkezteko. Herritarrek mobilizazioak egin zituzten atzo zabortegiaren kudeaketan azaleratutako irregulartasunak salatzeko, instituzioen jarrera kritikatzeko eta luiziaren ondorioz desagerturiko bi langileen senideei elkartasuna adierazteko.

Zabortegiaren kudeaketan azaleratutako irregulartasunak salatzeko, instituzioen jarrera kritikatzeko eta luiziaren ondorioz desagerturiko bi langileen senideei elkartasuna adierazteko mobilizazioak egin dituzte bart Zaldibarren, Mallabian, Markinan, Ermuan eta Eibarren.

Bost egun pasa dira Zaldibarko zabortegiko istripua gertatu zenetik, eta oraindik ez dago bi langileen berririk. Senideek "samina" ez ezik, "amorrua" adierazi du, eta hilketa bakoitza jasaten ari direla salatu dute "erakunde publikoek eta enpresek adierazi duten utzikeriagatik". Helene Alberdi desagertutako langileetako baten ilobarekin hitz egin dugu.

Hilabetez luzatu dute greba Gipuzkoako adinekoen egoitzetako langileek. Hala, martxoaren 8ra arte gutxienez greban jarraituko dute. Gipuzkoako Foru aldundiaren egoitza atarian egindako elkarretaratzean salatu dute ez dela aurrerapausorik izan Lan hitzarmenaren negoziazioan. Ondorioz, eta otsailaren 12a baino lehen ez bada ezer aldatzen, egun horretarako patronalak deitutako negoziaketa mahaian ez dutela parte hartuko berretsi du sektorean gehiengoa duen ELA sindikatuak.