Azken bideoak: Musika

Skakeitan taldea izango da gure lehen gonbidatua. Talde donostiarrak “nola galdu denbora” diskoa kaleratu du Mauka Musikagintzaren babesean eta lana gertutik ezagutzeko hitzordua egin dugu donostiako Dabadaban. Honekin batera albisteak eta asteburuko agenda.

Soinu eta zarata industrialak inguru natural batean. Hori da Gertrude Noise Meeting jaialdiak eskaintzen duena Orozkoko Artiñano etxean. XVII. mendeko jauregian XXI.-eneko musikarik esperimentalena. Aurtengoa formatu txikiko festibal honen hirugarren edizioa izan da dagoeneko. Giro lasai eta lagunartekoa sortzea dute helburu antolatzaileek.

Nerea Erbiti & Eskola Ergatiboa denboraz kanpoko herri abestiaren bila dabiltza. Talde inprobisazioa eta Neo Soul-aren lanabesak erabiliz kantu herrikoi berezko bat sortzeko lanetan dihardute. Zuzenekoetan hiriko basahaideak, dantzarako groove-jauziak, inprobisazio askea, euskarazko 70's pop sampleak…

Lehen erreportajean Rodeo taldea izango da protagonista. Zestoako bandak "Ezherrian" diskoa kaleratu du berriki, eta entsegu lokalean egin digu hitzordua. Bigarren erreportajea osatzeko Irun herrira egin dugu bidai. Bertan genuen zain, Ivan Zabalegi, NIRE izena darama musika egitasmoko arima

Irailaren 26an Zubietako Hipodromoan joko du punk talde mitikoak, 'Ni descanso, ni paz' biraren baitan. Latinoamerikan abrrena egindako biratik itzuli ebrritan iragarri du kontzertua Last Tour produktorak. Kontzertuan goonbidatu gisa jardungo dute El Drogas, Su Ta Gar, Lehendakaris Muertos eta Liher taldeek ere.

Kontzertu erraldoi batekin ospatuko du Gatibu talde gernikarrak bere 20. urtemuga. Bilboko Miribilla pabilioian izango dira martxoaren 28an eta, horrekin batera bira eta bideoklip berria ere aurkeztu dute data oroitzeko, “bixotzetik” da biraren eta bideokliparen izena.