Azken bideoak: Jardunaldiak

2018ko ondarearen jardunaldien harira, Etxebarrik atzoko emakumeek udalerrian utzitako ondareari erreparatu dio. Etxebarriko emakumeek izan duten ekarpena eta garrantzia azpimarratzea izan dute helburu jardunaldiek. Bisita gidatua, testigantzak, proiekzio eta mahai inguru batekin, XX.mendeko bigarren erdialde industrialean emakumeek izandako papera eta rolak azaltzen dira, pasarte pertsonalek transmititzen duten hurbiltasun eta sinesgarritasunaz.

Euskal Museoak, Aiko taldearen eskutik, euskal dantza tradizionalen jardunaldia ospatuko du igandean, hilak 23. Hasiberrientzako dantza tailerra eta, ostean, erromeria eskainiko dute. Horretaz gain, urritik ekainera luzatuko den Dantzari Ibiltaria ekimenaren denboraldi berriaren egoitza izango da ere Euskal Museoa. Astelehenero dantza klaseak emango dituzte bertan Aiko taldekoek, hastapen mailan eta maila aurreratuan. Ikasitakoak praktikan jartzeko, erromeria antolatu dute ere urritik ekainera hileko bigarren larunbatetan.

Navarra LAN Party teknologiaren inguruko topagunea inauguratu dute gaur Nafarroako Unibertsitate Publikoan. 72 orduz jarraian informazioa eta komunikazioaren teknologien inguruan arituko dira 500 parte hartzailetik gora. Bideojokoekin batera, hitzaldiak, eta bestelako jarduerak izanen dira teknologiarekin lotuta.

Euskarazko EGUNA egunkariaren 80. urtemuga aitzakiatzat hartuta, Bilboko Udalak, Sabino Arana Fundazioak, Euskaltzaindiak, Euskal PEN/Basque PEN Klubak eta Deia egunkariak euskarazko prentsaren nondik norakoak aztertu dituzte jardunaldi batzuetan.

Gasteizko Oihaneder Euskararen Etxean izan gara aurtengo Sortegiak sormen ikastaroak ezagutzeko. Bigarren edizio honetan antzerki eta zinema ikastaroak antolatu dituzte. Horien inguruan hitz egin dugu Iñaki Lazkano kultura teknikariarekin eta Javier Fernandez antzerki tailerraren arduradunarekin.

Kofradien topaketarekin eman die hasiera jaiari, horretarako, Kale Poza kofradiako kideak Urgull menditik hasi eta herrian barna ibili dira kofradia desberdinetako kideak bilduz.