Azken bideoak: Saskibaloia

COVID-19 gaitzak mundu mailan eragindako krisiaren ondorioz, NBAk txapelketa etetea erabaki du. Eta, oraindik ere, argitzeke dago hurrengo partidak noiz jokatuko diren. Izan ere, Houston Rockets bezalako taldeek, ikuslerik gabeko norgehiagokak ez lehiatzen alde agertu dira, partidak uda partera atzeratzeko joera azalduz.

Berarekin batera bidaiatzen zuten zortzi bidaiariak ere hil egin dira; haien artean kirolariaren 13 urteko alaba zegoen. Los Angeles Lakerseko jokalaria izan zen 20 urtez eta guztira 5 eraztun eskuratu zituen.

Saskibaloian, Lointek Gernikak garaipen bikaina eskuratu zuen Eurocup-eko Top16ko errondaren baitan. Bizkaitarrek 18 puntutako errenta eskuratu zuten, hungariako Szeksard taldea Malosten 91 eta 73 gainditu ostean. Ondorioz, hurrengo faserako sailkapena gero eta gertuago daukate Mario Lopezen jokalariek.

Bartzelonan behar zuten garaipena lortu ondoren ACB Kopa jokatzeko txartela lortu dute Beltzezko Gizonek. Real Madril izango da lehenengo aurkaria, otsailaren 13an.

1984ko Draft-era aurkeztu ziren jokalarien artean gerora mito bihurtu ziren Akeem Olajuwon, Michael Jordan, Charles Barkley edo John Stockton zeuden. Baita NBAn ibilbide sendoa osatu zuten Sam Perkins edo Kevin Willis ere. Jokalariak hautatzeko zerrendan, lehen postua Houston Rockets-entzat izan zen. Texaseko frankiziak Olajuwon fitxatu zuen. Bigarren aukera, Portland Trail Blazers-entzat izan zen. Oregoneko taldeak Sam Bowie pibota hautatu zuen eta, ondorioz, Michael Jordanek Chicagoko bidea hartu zuen. NBAren historia aldatu zezakeen erabakia. Bowiek lesio larriak pairatu zituen bere ibilbide osoan zehar eta Kentucky-ko Unibertsitatean erakutsitako potentzialetik oso urruti egon zen. Marakana Txikian, Alessandro Rutak osatutako soslaia.

Iragan denboraldian, ezustean, Toronto Raptors taldeak lortu zuen txapeldunen eraztuna. Udan zehar emandako fitxaketen ondoren, NBA-ren edizio berriak hainbat hautagai ditu, faborito argirik gabe. Talde askok izar handiekin osatutako bikoteak bildu dituzte eta txapelketak erakargarritasun handia eskuratu du. Hamaika Telebistan Mikel Reina kazetariaren analisia jaso dugu.