Azken bideoak: Saskibaloia

Asteburu honetan Gasteizen jokatzekoa den saskibaloiko Kopan, hiru euskal talde egongo dira: Araski, Lointek Gernika eta IDK Gipuzkoa. Ostiralean, final laurdenetako kanporaketan, bizkaitarrek eta gipuzkoarrek elkarren artean jokatuko dute Gernikatik 250 zale baino gehiago joango dira eta Courtney Williams-ek, bizkaitarren azken fitxaketak, debuta egingo du. Hedabideen aurrean egindako agerraldian, Naiara Diez, Gernika taldeko kapitaina, "itxaropentsu" azaldu da.

10 urte eta gero, Baskoniak Kopako titulua irabazi nahi du berriz. Gasteiztarrek Shengelia, Granger eta Garinoren hutsuneak izango dituzte, baina Euskal Herritik joandako hainbat zaletuen babesa jasoko dute. Perasovic-en mutilen lehen aurkaria Badalonako Joventut izango da. Katalanek goi mailako jokalariak dituzte, euren artean, Laprovittola, Marko Todorovic edo Xabi Lopez-Arostegi getxoztarra.

Fitxaketetarako neguko lehioa itxi berritan, NBAko taldeek liga erregularreko azken hilabetetan sartuta daude jadanik. Aldaketa interesgarriak eman dira merkatuan eta eraztuna irabazteko hautagaiek egindako mugimenduek ligaren azken fase erabakigarrian aldaketak ekar ditzakete. Mikel Reina kazetariak mugimendu horien analisia egin du.

Gasteiztarrek 25 urteko hegal-pibota fitxatu dute, Granger eta Shengeliaren lesioek taldearen errotazioa mugatu dutelako. Jones NBAn aritutakoa da, Dallas Mavericks eta New Orleans Pelicans taldeekin hain zuzen ere. Litekeena da, estatubatuarrak Turkiako Darussafakaren aurka debuta egitea.

Lointek Gernika eta IDK Gipuzkoa aurrez-aurre jarri ditu 2019 Erreginaren kopako zozketak. RPK Araski arabarrak Cadí La Seu-ren aurka arituko dira final laurdenetan. Mendizorrotzako polikiroldegian jokatuko da txapelketa otsailaren 28tik martxoaren 3ra bitartean eta hiru euskal taldeek lehenengo egunean, ostegunean, jokatuko dituzte euren final laurdeneko partiduak.

"Euskal Mamba" edo "Basque Mamba" ezizenarekin, Dario Brizuela donostiarra Europako saskibaloian modan dagoen jokalarietako bat da. Denboraldi berriaren hasieran, 17 puntutako bataz bestekoa eskuratzen ari da eta balorazioari dagokionez, ACB Ligako jokalaririk onenetarikoa bilakatu da. Estatistika eta bilakaera honetan, donostiarraren langa non dagoen aztertzeko unea da. Espainiako selekzioarekin debuta egin ostean, NBAn arituko daitekeen lehen euskal herritarra izango ote den mahai gainean jarri nahi izan dugu. Analisian, Martxel Lopez saskibaloi jokalariak lagunduko gaitu.