Azken bideoak: Zinema

Johnny Depp-en zalapartaren ostean, bere ohiko lanetan ez datorren beste aktore bat agurtu du Zinemaldiak astelehenean. 2006An Donostia saria irabazitako Matt Dillon aktorea heldu da jaialdira eta Depp bezala, musika izango du hizpide Dillon-ek ere. The Great Fellove dokumentalaren zuzendari gisa dator ibilbide luzeko aktoreak. Zintak Francisco Fellove abeslari kubatar mitikoaren historia birpasatuko du, bere azken diskoaren grabaketa aitzaki hartuta.

Gaur Zurrriolako butakako gonbidatu nagusia Amaia Aberasturi izango da, Akelarre filmeko aktore protagonista da. Gogora dezagun Akelarre izango dela euskal ordezkaria Sail Ofizialeko lehian. Bestetik, Atarrabi eta Mikelats euskarazko filmaren nondik norakoak ezagutuko ditugu, Saia eta eta Lukas Hiriart aktoreen bitartez. Eta kritikarako tartea ere ez da faltako. Bagoaz.

Zinemaldiak izarrez bete ohi du Donostia eta aurten, edizio berezia izango bada ere, zenbait pertsonai entzutetsu heldu dira gurera. Lehen egunotan, Johnny Depp izan da protagonistetako bat, “Crock of Gold” dokumentaleko ekoizle gisa etorri dena. Euskal ekoizpenei dagokienez, Patria telesaila eta El Drogasen dokumentala aurkeztu dira dagoeneko. Beste hainbatek, aldiz, bideokonferentzia bidez aurkeztu behar izan dituzte euren lanak. Hala egin dute Woody Allenek, jaialdiaren inaugurazioan Rifkin`s Festival aurkeztu zuenak, edota “Ete 85” eta “Druk” obren lantaldeek.

Patria telesailak zer esana emango du egunotan, Zinemaldiko estreinaldia dela eta ez dela, eta guk Ane Gabarain aktore protagonista elkarrizketatzeko aukera izango dugu. Horrez gain, Zinetika atala izango dugu, eta Nerea Lizarralde Irutxuloko Hitza-ko zuzendariak Donostiarekin eta donostiarrekin landutako edukiak ekarriko dizkigu.

Donostiako Zinemaldian gertatzen den guztia zuenganatzeko gogoz gaude! Gaurko saioan, Lara Izagirre ' Nora' filmaren egileari elkarrizketa egingo diogu. Horretaz gain, Woody Allenek Gipuzkoako zenbait herritan grabatu duen 'Rifkin's Festival' aztertu dugu.

Euskal Herria mundura zabaltzen duen leiho garrantzitsuena da Zinemaldia. Hamaika Telebista aurtengo kartelerako bi filmetako kredituetan ageri da. Drogas musikari nafarraren pelikulan alde batetik, eta bestetik Mikel Zabalzaren dokumentalean ere.