Azken bideoak: Gurean Gaur

Memoriaren Eguna hizpide, Haritz Aranburu eta Maria Jauregi izan ditugu gaur Hamaika Telebistan. Eugenio Aranburu Haritz Aranbururen aitak bere buruaz best egin zuen 1997an espetxeratua izan baino lehen; Juan Mari Jauregi Maria Jauregiren aita ETAk hil zuen Gipuzkoako Gobernadore Zibila zela.

Azkeneko 24 orduetan COVID19agatik 219 gaixo zenbatu dituzte eta 2.910 PCR eta antígeno proba egin dituzte. Gauzak horrela %7,5koa da positibo eta proben arteko erlazioa.

Ostalaritza-sektoreari zuzendutako neurri espezifikoak onartu ditu Eusko Jaurlaritzak astearte honetako Gobernu Kontseiluan. Besteak beste, ostalaritzari 30 milioi gehiagorekin laguntzea onartu du.

EAEn ostatuak itxita dauden lehen astelehena da gaurkoa. Ipar Euskal Herrian eta Nafarroan gertatu bezala, Araban, Bizkaian eta Gipuzkoan ere itxiak dituzte ostatuak, herenegunetik. Testuinguru honetan, azken 24 orduetan, 1.178 kasu atzeman dituzte Hego Euskal Herrian, 12.037 test diagnostiko egin ostean. Astebururo gertatu ohi den bezala, behera egin du kopuruak, bezperan baino 67 positibo gutxiago baieztatu baitituzte, eta ostiralean baino 266 gutxiago. Positibo tasak, ordea, ez du hainbesteko aldaketarik izan: %9,8 izan da, bezperan baino puntu erdi txikiagoa.

Europako Batzordearen Ikerketa Kontseiluak bikaintasunezko oinarrizko zientzia sustatzeko laguntzak ematen dizkie ezagutzaren esparruan ikertzen jarraitu nahi duten ikertzailerik onenei, eta, laguntza horien artean, ERC Synergy izenekoak dira lehiakorrenak. Bada, Euskal Herriko hiru ikertzailek lehen aldiz lortu dute laguntza horiek erdiestea unibertsoaren jatorria ikertzeko. Hiru zientzialariak honako hauek dira: Juan Jose Gomez Cadenas, Fernando Cossio eta Roxanne Guenette.

Herrikoi kutsuko 8 doinuk eta Xabi Solanoren beraren beste 13 piezaren partiturek osatzen dute liburua, beraz, 21 kantu jotzeko jarraibideak biltzen ditu argitalpenak. Kantuez berez gain, Solanok trilogian proposatzen dituen ikasteko bi metodoen nondik norakoak azaltzen ditu liburuak ere. “Solano anaiarrebak: Zaharrak berri” diskoak laguntzen du liburua. Bilduma horretan herrikoi kutsuko zortzi kantu horiek elkartu ditu Xabi Solanok bere arreba Kristinarekin batera grabatutakoak.