Azken bideoak: Gurean Gaur

Ostegun goizean Bingen Zupiria Lakuako bozeramaileak aurreratu duenez, arratsaldean bilduko den LABIko aholku-batzordeak Nafarroako bidea hartuko du birusaren aurrean (harremanak murriztea), berearekin motz geratu ostean (mugikortasuna murriztea). Ostalaritza eta bizikidetza-eremutik kanpoko bilerak, jomugan.

Gurean Gaur albistegiaren baitan, EH Bilduko koordinatzaile nagusi Arnaldo Otegirekin hitz egiteko aukera izan dugu. Izurriaren ondorioak, ezker independentistaren erronkak eta presoen auzia hizpide.

Arnaldo Otegi EH Bilduko koordinatzaile nagusia elkarrizketatu dugu Hamaika Telebistan. Agintari politikoek pandemia hau kudeatzeko hartu dituzte neurriak kritikatu dituzte, eta adierazi du "berandu" hartu direla neurriak. Deseskalada egiteko neurriak, berriz, "oso azkar" hartu direla salatu du, eta horrek "egoera larri" hau eragin duela.

Iruñean aktualitatearen erdigunea hartu du NA+en Udal Gobernuaren Prebentzio Ekintza Komunitarioko Zerbitzuen kontratuak bertan behera uzteko asmoak. Honekin batera etxebizitza zaharkituen birgaitze lanak diruz-laguntzeko laguntza berria eterako du efizientzia energetikoaren Europako eta Foru Gobernuko laguntzekin bateragarria izango dena.

Atzokoan piztaldi berria sumatu zuten arakatzaileek Viana herrian, 39 kasurekin, haietatik 33 adinekoen egoitza batean izanik. Nuestra Señora de Gracia zentroko 26 erabiltzaile kutsaturik daude koroabirusarengatik eta 2 ospitaleratu izan behar izan dituzte, Logroñoko erietxean.

Oiartzungo Udalak Aranzadi Zientzia elkartearekin batera, 1936tik egundaino herrian izan diren giza eskubideen urraketak ikertuko ditu datozen lau urteetan. Etorkizuneko bizikidetza eraikitze aldera, iraganari begiratu behar zaiola azaldu du Jexux Leonet alkateak. Era horretara, giza eskubideen urraketa guztiak azaleratu eta bizikidetza oinarri sendoak jartzeko, gertatutakoa berriz ez dagin errepikatu.